"გუდვილი" საკუთარ მომხმარებელს სააღდგომოდ 4 სახეობის პასკას სთავაზობს. როგორც სააგენტო "ჯი-ეიჩ-ენს" შპს "გუდვილის" საზოგადოებასთან ურთიერთობის მენეჯერმა ნატო დარჩიაშვილმა განუცხადა, "გუდვილში" იყიდება როგორც ქართული წარმოების, ასევე იტალიური წარმოების პასკები, რომელთა ღირებულებაც 8,99 ლარიდან 15,80 ლარამდე მერყეობს.
როგორც დარჩიაშვილი განმარტავს, ქართული წარმოების პასკა, რომელიც "მარშეს" მიერაა მომზადებული, ქართული რეცეპტურითაა დამზადებული და მისი ღირებულება 8,99 ლარია. ხოლო რაც შეეხება იტალიური წარმოების პასკებს, "გუდვილი" თავის მომხმარებელს ორი სახეობის პასკას სთავაზობს, რომელიც 850 გრამს იწონის. უფრო კონკრეტულად კი ცუკატებითა და თეთრი შოკოლადით გაფორმებული იტალიური პასკის ღირებულება 15.80 ლარა. რაც შეეხება შავი შოკოლადით გაფორმებულ იტალიურ პასკას, მათი ღირებულება 13,88 ლარია.
"გუდვილში" იყიდება ასევე რუსული კულიჩი, რომლის ღირებულებაც 9,80 ლარია. მენეჯმენტი აცხადებს, რომ სააღდგომოდ "გუდვილში" შესაძლებელია ასევე დეკორატიული კვერცხების შეძენაც. გაიყიდება ასევე დეკორატიული საღებავებიც.
"გუდვილში" შესაძლებელია ასევე სააღდგომო კალათების შეძენაც, რომელიც სპეციალურად სააღდგომო ატრიბუტიკითაა გაფორმებული. მენეჯმენტის ინფორმაციით, შესაძლებელია ასევე კალატებზე ინდივიდუალურად შეკვეთის გაკეთებაც.
აღსანიშნავია, რომ "გუდვილში" სააღდგომოდ სხვადასხვა სააღდგომო პროდუქციის შეკვეთაცაა შესაძლებელი.
მასალის გამოყენების პირობები
