დღეს, 23 აპრილს, 12.00 საათზე, საპატრიარქოში წმინდა სინოდის სხდომა დაიწყება. სხდომას სრულიად საქართველოს კათოლიკოს-პატრიარქი, უწმინდესი და უნეტარესი, ილია II უხელმძღვანელებს.
როგორც საპატრიარქოში აცხადებენ, წმინდა სინოდის მიერ განსახილველი საკითხები წინასწარ არასდროს არის ცნობილი. სხდომის მიერ მიღებული დადგენილება, სავარაუდოდ, დღესვე გამოქვეყნდება.
საქართველოს მართლმადიდებელი ეკლესიის წმინდა სინოდი წლის განმავლობაში ორჯერ იკრიბება და ეკლესიისთვის მნიშვნელოვან საკითხებს განიხილავს.
ცნობისთვის, წმინდა სინოდის წინა სხდომა გასული წლის 21 დეკემბერს შედგა.