საქართველოს პროკურატურაში სტაჟირების გავლის მსურველთა მიღება დაიწყო. საქართველოს მთავარი პროკურორი არჩილ კბილაშვილი სტაჟიორებს პირადად შეხვდა და პროკურატურის მუშაკთა საქმიანობის მთავარ პრინციპებზე ესაუბრა.
პროკურატურის სისტემაში სტაჟიორები კონკურსის წესით შეირჩა. განაცხადი www.hr.gov.ge - ს საშუალებით 1348 მოქალაქემ შეავსო.
სპეციალობასა და უნარ-ჩვევებში ჩატარებული ტესტირების შედეგად, 128 პრეტენდენტი შეირჩა, რომელთაგან სტაჟიორად დანიშვნის რეკომენდაცია მხოლოდ
53 მათგანს გაეწია. პროკურატურაში სტაჟირების გასავლელად უკვე დაინიშნა 33 ახალგაზრდა, ხოლო დანარჩენები ივლისში, საკვალიფიკაციო გამოცდის ჩაბარების შემდეგ დაინიშნებიან.
სტაჟირება საქართველოს პროკურატურაში ანაზღაურებადია და 480 ლარს შეადგენს.