22-24 აპრილს ჩეხეთის დედაქალაქი პრაღა, თბილისის დღეებს მასპინძლობს. „თბილისის დღეები" ჩეხეთის დედაქალაქში დღეს ოფიციალურად გაიხსნა.
თბილისის დელეგაციის წარმომადგენლები, დედაქალაქის მერის, გიგი უგულავას ხელმძღვანელობით დღეს პრაღის მერს ბოგუსლავ სვობოდას და თვითმმართველობის წარმომადგენლებს შეხვდნენ. შეხვედრაზე მერებმა ქალაქებს შორის არსებულ ურთიერობებზე და სამომავლო თანამშრომლობის განვითარებაზე ისაუბრეს, ამის შესახებ მათ ერთობლივ განცხადებას მოაწერეს ხელი.
დღესვე „თბილისის დღეების" ფარგლებში, ანსამბლ „ქართული ხმების" და ე.მიქელაძის სახელობის სახელმწიფო სიმფონიური ორკესტრის ჩასაბერ ინსტრუმენტთა ანსამბლის "GEORGIAN BRASS"-ის კონცერტები გაიმართება.