დავით დარახველიძემ ამერიკის განვითარების სააგენტოს (USAID) დელეგაციასთან ახალი ეკონომიკური შესაძლებლობების
პროგრამა განიხილა. USAID-ის მისიის ხელმძღვანელმა შტეფან ჰეიკინმა, დავით
დარახველიძემ და დელეგაციის წევრებმა პრგრამის ძირითად მიმართულებებზე ისაუბრეს და
დევნილი მოსახლეობისთვის მიმდინარე და დაგეგმილი მშენებლობები განიხილეს.
აშშ-ს საერთაშორისო განვითარების სააგენტოს მიერ დაფინანსებული ახალი
ეკონომიკური შესაძლებლობების ინივიატივა არის ოთხწლიანი პროგრამა, რომლის მიზანია
სოფლად მცხოვრები მოსახლეობის შემოსავლის ზრდა და დევნილთა დახმარება. პროექტი
მოიცავს 4 მუნიციპალიტეტს - შიდა ქართლი, მცხეთა-მთიანეთი, სამეგრელო - ზემო
სვანეთი და რაჭა ლეჩხუმი. პროექტის ერთ-ერთი ძირითადი კომპონენტია სოფლის მეურნეობის
განვითარებაში ხელშეწყობა და ასევე, მცირე გრანტების გაცემა.
როგორც ოკუპირებული ტერიტორიებიდან იძულებით გადაადგილებულ პირთა,
განსახლებისა და ლტოლვილთა მინისტრმა დავით დარახველიძემ აღნიშნა, ეკონომიკური
შესაძლებლობების პროგრამა დევნილ მოსახლეობას სერიოზულ დახმარებას გაუწევს
შემოსავლის წყაროების გაჩენის მიმართულებით. დავით დარახველიძემ ასევე აღნიშნა,
რომ აღნიშნული პროგრამით მიკრო სესხი 154-მა დევნილმა ოჯახმა უკვე მიიღო: „აღნიშნული პროექტის
ფარგლებში, ბოლო
ერთი წლის
მანძილზე დევნილებზე 154
მიკროსესხი გაიცა. პროექტის ერთ-ერთი მიზანია რეაბილიტირებულ შენობებში
დევნილებმა შექმნან ამხანაგობები. მათ ექნებათ გარკვეული ფინანსური
რესურსი, რომ
საჭიროებების მიხედვით, შენობებს თავად
მოუარონ. ამერიკის განვითარების სააგენტოს დელეგაციასთან ასევე განვიხილეთ
დევნილთა ობიექტებში მიმდინარე
სარეაბილიტაციო სამუშაშოები. 10 ობიექტის რეაბილიტაცია დასრულდება ზაფხულისათვის, ხოლო 8 ობიექტი კი მიმდინარე
წლის ბოლომდე.