საქართველოს საპატრიაქო იუსტიცის სამინისტროსთან გამართულ აქციასთან დაკავშირებით განცხადებას ავრცელებს და აქციას ემიჯნება.
როგორც ”ჯი-ეიჩ-ენს” საპატრიარქოდან აცნობეს, საპატრიარქოს აღნიშნულ ღონისძიებასთან არავითარი კავშირი არ აქვს
"საინფორმაციო საშუალებებიდან გახდა ცნობილი, რომ დღეს, 21 აპრილს, იუსტიციის სამინისტროსთან მოეწყო საპროტესტო აქცია ახალი ID ბარათების შემოღებასთან დაკავშირებით და აქციის ხელმძღვანელები საპატრიარქოს სახელითაც მოქმედებდნენ.
განვმარტავთ, რომ საქართველოს საპატრიარქოს აღნიშნულ ღონისძიებასთან არავითარი კავშირი არ აქვს", - ნათქვამია საპატრიარქოს მიერ გავრცელებულ განცხადებაში.
შეგახენებთ, რომ იუსტიციის სამინისტროსთან მართლმადიდებელთა ნაწილი ID ბარათებთან დაკავშირებით საპროტესტო აქციაზე სასულიერო პირებიც იმყოფებოდნენ.
აქციის მონაწილეებმა მიმართვის ტექსტი გაავრცელეს.
მიმართვაში აღნიშნულია, რომ რომ სასულიერო პირები და მრევლი გამოხატავს წყენას 30 000 ხელმომწერის მოთხოვნის დაუკმაყოფილებლობის გამო, ელექტრონული მოწმობების ალტერნატივასთან დაკავშირებით.
"სინოდის მოთხოვნა, ალტერნატივის დაშვებასთან დაკავშირებით, ახალი მთავრობისთვის საკმარისი უნდა ყოფილიყო. ასეთი ტიპის ძალადობა თუ დროულად არ გამოსწორდა, საზოგადოებაში დიდ უკმაყოფილებას გამოიწვევს", - აცხადებენ მიმართვის ავტორები.
აქციას წინ უძღოდა იუსტიციის სამინისტროს მიერ გავრცელებული 6-წუთიანი ვიდეორგოლი, სადაც განმარტებულია, თუ რას ნიშნავს ID ბარათი.
6-წუთიან რგოლში განმარტებულია, რას ნიშნავს ID ბარათი. კერძოდ ის, რომ ID ბარათი საქართველოს მოქალაქის დოკუმენტია და პირის ვინაობას ადასტურებს. მასზე დატანილია სახელი, გვარი, დაბადების თარიღი, ადგილი, სქესი, პირადი ნომერი, ფოტო, გამცემი ორგანო, გაცემის თარიღი, მოქმედების ვადა და ხელმოწერა. იგივე ინფორმაციაა დატანილი ჩიპზე, რომელიც მეხსიერების ბარათია.
"მოსაზრება იმის თაობაზე, რომ იგი ანტიქრისტეს ბეჭედია, მცდარია", - ნათქვამია ვიდეორგოლში.
ID ბარათების გაცემა იუსტიციის სამინისტრომ 2011 წლის პირველი აგვისტოდან დაიწყო და ამ დრომდე ნახევარი მილიონი მოქალაქე მოიხმარს მას.
