15-დან 19-წლამდე გოგონებში აბორტების რიცხვმა მოიმატა. სტატისტიკის ეროვნული სამსახურის ინფორმაციით, აბორტების მატების ტენდენცია ყველა ასაკობრივ ჯგუფში დაფიქსირდა: ამ მაჩვენებლით პირველ ადგილზე შვილოსნობისთვის ყველაზე აქტიურ პერიოდში, 20-44 წლამდე ასაკის ქალბატონები არიან.ორსულობის ხელოვნურად შეწყვეტის მსურველთა რიცხვი 5 წლის განმავლობაში 9200-მდე გაიზარდა და 28 760-ს მიაღწია.
1 037-დან 1 681 ერთეულამდე მოიმატა აბორტებმა 15-დან 19-წლამდე გოგონებში, 116 -დან 134 ერთეულამდე კი - ასაკოვან, 45 წელს გადაცილებულ ქალბატონებში. აღსანიშნავია, რომ გინეკოლოგიურ კაბინეტებს შვილოსნობის შეწყვეტის მიზნით ბოლო ხუთი წლის განმავლობაში 15 წლამდე ასაკის 15-მა მოზარდმაც მიმართა, მათი რაოდენობა კი ბოლო ხუთი წლის განმავლობაში გაორმაგდა.