საქართველოს საგარეო საქმეთა სამინისტრო გამოხატავს შეშფოთებას 20 აპრილს ჩინეთის სიჩუანის პროვინციაში მომხდარი ძლიერი მიწისძვრის გამო, რასაც მოჰყვა მსხვერპლი და განადგურება.
საქართველოს საგარეო საქმეთა სამინისტრო გამოხატავს ღრმა მწუხარებას ჩინეთის მთავრობის, ჩინელი ხალხისა და განსაკუთრებით მიწისძვრის შედეგად დაღუპულთა ოჯახების მიმართ. სამინისტრო მხარდაჭერას გამოთქვამს ჩინეთის მთავრობის ძალისხმევისადმი მინიმუმამდე იქნას დაყვანილი ამ სასტიკი ბუნებრივი კატასტროფის მსხვერპლი და შემსუბუქდეს დაზარალებულთა მდგომარეობა.
