Google-ს ადმინისტრაციიდან საჯარო რეესტრის ეროვნულმა სააგენტომ მადლობის წერილი მიიღო : „Google Map Maker-ის გუნდი ოფიციალურად მადლობას გიხდით თქვენ და თქვენს გუნდს - საჯარო რეესტრის ეროვნული სააგენტოს GIS სპეციალისტებს. თქვენი ძალისხმევა სანიმუშოა და ასახავს ჩვენი მისიის არსს: ერთად მუშაობა ყველაზე მრავალმხრივი მსოფლიო რუკების შექმნისთვის. 2012 წლის რეგიონულ ექსპერტთა მიმოხილვის მიხედვით, მხარდამჭერი პროგრამისთვის თქვენ გახდით სანიმუშო წარმოადგენელი, გაუწიეთ რა სასარგებლო დახმარება რუკის შემქნაზე მომუშავე ახალბედებს და საბოლოო ჯამში საქართველოს რუკის შემქმნელთა საზოგადოების ლიდერი გახდით. რუკის შექმნის პოზიტიური ეფექტი მოიცავს გაუმჯობესებულ ნავიგაციას და რაც უფრო მნიშვნელოვანია, საქართველოს რუკების ციფრულ შენახვას, რომელიც უნივერსალურად ხელმისაწვდომია და ყოველდღიურად განახლებადი მუდმივად განვითარებად სამყაროში.
თქვენი ჯგუფის მიერ საქართველოს რუკისთვის მონაცემების შექმნის გაგრძელებით, გვჯერა, რომ ის ერთ-ერთ ყველაზე მრავალმხრივი და აქტუალური რუკა იქნება მსოფლიოში.
მადლობა ყველაფრისთვის რაც გააკეთეთ და როგორც ყოველთვის, გისურვებთ იყოთ ბედნიერი რუკის შექმნით" - საუკეთესო სურვილებით, ლორი სავაგო Google Map Maker-ის მენეჯერი.
Google-ში, საქართველოს ადგილზე სულ რამდენიმე წლის წინ არსებული ე.წ. თეთრი ლაქა თანდათან მნიშვნელოვანი ინფორმაციით ივსება. უპრეცენდენტო საძიებო სისტემაში საქართველოს შესახებ სივრცობრივი მონაცემები პირველად 2011 წელს განთავსდა.
ნებისმიერ დაინტერესებულ პირს უკვე შეუძლია საქართველოს შესახებ დეტალური ინფორმაცია Google Map-ზე მოიძიოს. "საჯარო რეესტრმა Google-ს ადმინისტრაციიდან სამუშაოს ხარისხიანად და მაქსიმალურად მოკლე დროში შესრუსრულებისთვის მადლობის წერილი მიიღო. მოგეხსენებათ, Google-ის ადმინისტრაციასთან მოლაპარაკებებს სწორედ საჯარო რეესტრი აწარმოებდა. სააგენტოში უკვე მესამე წელია გეოგრაფიული და სივრცობრივი მონაცემები გროვდება იმისთვის, რომ მსოფლიოში ერთ-ერთ ყველაზე პოპულარულ საძიებო სისტემაში საქართველოს შესახებ ინფორმაცია სრულყოფილად იყოს ასახული.
ამჟამად მიმდინარეობს თბილისის დიგიტალიზიცაია. რუკას თანდათან ემატება შენობები, გზები, მისამართები. ეს საკმაოდ ხანგრძლივი პროცესი გახლავთ და ჩვენ ვცდილობთ მაქსიმალურად მოკლე დროში დავასრულოთ ძირითადი ინფორმაციის ატვირთვა" - განაცხადა საჯარო რეესტრის ეროვნული სააგენტოს თავმჯდომარემ ეკა კერესელიძემ.
Google Map-ზე საქართველოს რუკის განთავსება განსაკუთრებით მნიშვნელოვანია ქვეყანაში როგორც ნავიგაციის სისტემის, ასევე ტურიზმის განვითარებისთვის.
Google-ის ადმინისტრაციასთან მოლაპარაკებებს იუსტიციის სამინისტროს საჯარო რეესტრის ეროვნული სააგენტო აწარმოებდა. საჯარო რეესტრში უკვე მესამე წელია გეოგრაფიულ და სივრცობრივ მონაცემებს აგროვებენ იმისთვის, რომ მსოფლიოში ერთ-ერთ ყველაზე პოპულარულ საძიებო სისტემაში ჩვენი ქვეყნის შესახებ ინფორმაცია სრულყოფილად იყოს ასახული. დასახლებული პუნქტების, ქუჩების, საავტომობილო გზების, მთების, სარკინიგზო მაგისტრალების, მდინარეების და ღირსშესანიშნაობების შესახებ ინფორმაცია რუკაზე თანდათან ივსება და ახლდება.
ამ ეტაპზე აქტიურად მიმდინარეობს თბილისის დიგიტალიზიცაია. რუკას ემატება შენობები, გზები და მისამართები ქალაქის მასშტაბით.
Google-ის პოპულარულ საძიებო სისტემაში საქართველოს რუკის განთავსება განსაკუთრებით მნიშვნელოვანია ქვეყანაში როგორც ნავიგაციის სისტემის, ასევე ტურიზმის განვითარებისთვის. რუკა ტურისტებს მაქსიმალურად ამომწურავ ინფორმაციას აწვდის გადაადგილების საშუალებებისა და განთავსების ადგილების შესახებ. ელექტრონული რუკის მეშვეობით შესაძლებელია ქუჩების, საინტერესო და ადგილობრივი მნიშვნელობის ობიექტების მარტივად და სწრაფად მოძიება. თითოეულ ობიექტს თან ერთვის სრულყოფილი, სასარგებლო ინფორმაცია, გეოგრაფიული კოორდინატები და ა.შ.
ინტერაქტიული რუკის შექმნაზე საჯარო რეესტრის GIS - ჯგუფი დღესაც აქტიურად განაგრძობს მუშაობს.