იტალიელმა მეცნიერებმა თურქეთის სამხრეთ-დასავლეთით, ძველი ქალაქის იერაპოლისის მახლობლად, გათხრებისას, "ჯოჯოხეთის კარიბჭე", ან "პლუტონის კარები" აღმოაჩინეს.
ექსპედიცის ხელმძღვანელის, სალეტოს კლასიკური არქეოლოგიის უნივერსიტეტის პროფესორის, ფრანჩესკო დ'ანდრიას განცხადებით, კარიბჭის მოსაძებნად მან ძველი მითოლოგია გამოიყენა.
"ჯოჯოხეთის კარიბჭე" მოხსენიებულია ციცერონის ნაშრომებში. ასევე ვხდებით ბერძენი გეგორაფის სტრაბონის შრომებშიც. ეს უკანასკნელი ამ ადგილს აღწერდა, როგორც ხვრელს - სივრცეს ბორცვში.
"ყველა შიგ შესულს სიკვდილის ბურუსი ეხვეოდა ირგვლივ. სივრცე სავსეა ორთქლით, მას გარშემოხვეული აქვს ისეთი მკვრივი ნისლი, რომ იმის დანახვაც კი შეუძლებელია რა არის შენს ფეხქვეშ. ნებისმიერი ცხოველი, რომელიც ამ ხვრელში შედის მომენტალურად კვდება. რამდენიმე ბეღურა შევაგდე და ისინი იმ წამსვე გაიგუდნენ", - წერდა სტრაბონი.
თანამედროვე არქოლოგები აცხადებენ, რომ იმ პერიოდიდან "ჯოჯოხეთის კარიბჭეს" თავისი თვისებები არ შეუცვლია.
"ჩვენ გვირაბის სასიკვდილი თვისებები გათხრებისას ვნახეთ. რამდენიმე ფრინველი დაიღუპა, როდესაც შეცადნენ ხვრელიდან გამომდინარე სითბოს მიახლოებოდნენ", - აცხადებს პროფესორი დ'ანდრია.
არქეოლოგი აცხადებს, რომ შხამიანი ორთქლი, რომელიც იერაპოლისის გრუნტის წყლებიდან ამოდიოდა, იწვევდა ჰალუცინაციებს.
მეცნიერები აგრძელებენ გათხრებს, მათ უკვე აღმოჩინეს სალოცავის ნანგრევები. კიბე, რომელიც "ჯოჯოხეთის კარიბჭისკენ" მიემართება და მიწისქვეშა ღმერთების სახელებით დამშვენებული სვეტები.
