კოტე მარჯანიშვილის თეატრის მსახიობ გიორგი ყორღანაშვილის გადასარჩენად, ფილარმონიის საკონცერტო დარბაზში გამართული საქველმოქმედო კონცერტის მსვლელობისას 35 681 ზარი შევიდა. მსახიობის დასახმარებლად ასევე, განხორციელდა გადარიცხვებიც.
მსახიობის პირად ანგარიშზე საქართველოს კულტურის პალატამ და მისმა პრეზიდენტმა დავით ოქიტაშვილმა - 1 000 აშშ დოლარი, ფონდმა "საქართველოს საქმიანი ქალები ქველმოქმედებისათვის" - 500 ლარი, ცხინვალის ივანე მაჩაბელის სახელმწიფო დრამატულმა თეატრმა - 500 ლარი, საქართველოს ნოტარიუსთა პალატამ - 500 ლარი, თამაზ ბურდულმა და გერმანიის ქართველობამ - 1 000 ევრო და კერძო სკოლა "მესმისის" მოსწავლეებმა - 500 ლარი ცარიცხეს.
საქველმოქმედო კონცერტი ტელეკომპანია "იმედის" პირდაპირ ეთერში გადაიცემოდა.
კონცერტში სუხიშვილების ნაციონალური ბალეტი, დათო ევგენიძე, ლელა წურწუმია, ლიზა ბაგრატიონი, ნატო მეტონიძე, ნატო გელაშვილი, თამრიკო ჭოხონელიძე, მერაბ სეფაშვილი, ნინო ჩხეიძე, ლაშა ღლონტი, ნეკა სეფისკვერაძე, ნოდიკო ტატიშვილი, სოფო გელოვანი, ჯგუფები - „მგზავრები", „ეგარი", „ქართული ხმები", თეატრალური კვარტეტი, „ალილო", „კახაბერი და ხანუმები", „შვიდკაცა", „ფრანი" და „ფორტე" მონაწილეობდნენ.
საქველმოქმედო საღამოდან შემოსული თანხა მსახიობის პირად ანგარიშზე გადაირიცხება.
გიორგი ყორღანაშვილის დახმარება ნებისმიერ მსურველს შეუძლია. მის დასახმარებლად მოქმედებს სატელეფონო ხაზი - 09 01 800 804, რომელზე დარეკვის შემთხვევაში, 1 ლარი გიორგი ყორღანაშვილის ანგარიშზე ირიცხება.
ბანკში კი სპეციალური ანგარიშია გახსნილი, რომლის რეკვიზიტებია - GE13BR0000010150958229 - GIORGI KORGANASHVILI (ბანკი რესპუბლიკა).
გიორგი ყორღანაშვილს ურთულესი ოპერაცია - ძვლის ტვინის გადანერგვა ესაჭიროება, რომელიც დაახლოებით, 500 ათასი აშშ დოლარი ჯდება.
