საქართველოში 6 აპრილამდე არამდგრადი ამინდი შენარჩუნდება. როგორც ,,ჯი-ეიჩ-ენთან" საუბარში ჰიდრომეტეოროლოგიური კვლევის ცენტრის მონიტორინგისა და პროგნოზირების სამსახურის ხელმძღვანელმა სვეტა ნიორაძემ განაცხადა, არამდგრადი ამინდის მიუხედავად, ზვავსაშიშროება და წყალმოვარდნები მოსალოდნელი არ არის.
,,ხვალ, დასავლეთ საქართველოში მოსალოდნელია წვიმა. ორ აპრილსაც საქართველოს მასშტაბით მცირე ნალექს ველოდებით წვიმის სახით. ჯერ დათბობა და სტაბილური ამინდი მოსალოდნელი არ არის. დროგამოშვებით ხან გამოიდარებს, ხან იწვიმებს", -განაცხადა ,,ჯი-ეიჩ-ენთან" საუბარში ნიორაძემ და აღნიშნა, რომ 3-4 აპრილს ტემპერატურა 25-30 გრადუსამდე მოიმატებს, თუმცა 5-6 აპრილს შედარებით დაეცემა.
,,სამ აპრილს დასავლეთ საქართველოში დღის ტემპერატურა 25 გრადუსამდე გათბება, ოთხ აპრილს კი ტემპერატურა 30 გრადუსამდე მოიმატებს. აღმოსავლეთ საქართველოში კი ჰაერი 25 გრადუსამდე გათბება.", _ განაცხადა ნიორაძემ და აღნიშნა, რომ 5-6 აპრილს საქართველოს მასშტაბით ტემპერატურა შედარებით დაიკლებს.