გამოცდების ეროვნული ცენტრი იმ უნივერსიტეტებისა და ფაკულტეტების ჩამონათვალს აქვეყნებს, რომელზეც ჩარიცხვის შემთხვევაში, სახელმწიფო სწავლის საფასურს სრულად დააფინანსებს.
ჩამონათვალში ივანე ჯავახიშვილის სახელობის თბილისის სახელმწიფო უნივერსიტეტია, სადაც 10 საბაკალავრო პროგრამა დაფინანსება. ასევე, ფინანსდება საქართველოს ტექნიკური უნივერსიტეტის 5 საბაკალავრო პროგრამა;
სტუდენტები სახელმწიფოსგან სრულ დაფინანსებას მიიღებენ ილიას სახელმწიფო უნივერსიტეტის - 5 პროგრამაზე და აკაკი წერეთლის სახელმწიფო უნივერსიტეტის - 9 სპეციალობაზე.
სრულად დაფინანსდება ასევე, ბათუმის შოთა რუსთაველის სახელმწიფო უნივერსიტეტის - 6, სოხუმის სახელმწიფო უნივერსიტეტის - 6, ხოლო თელავის იაკობ გოგებაშვილის სახელობის სახელმწიფო უნივერსიტეტის - 1 სპეციალობა.
აბიტურიენტებს სრული ჩამონათვალის ნახვა გამოცდების ეროვნული ცენტრის ვებ-გვერზე შეუძლიათ - http://www.naec.ge/images/doc/ufaso_saswavleblebi_2013.pdf
ამასთან, ერთიანი ეროვნული გამოცდები 2013-ის ელექტრონული რეგისტრაცია ხვალიდან იწყება, თავად გამოცდები კი, 27 ივნისიდან ჩატარდება.
