26 მარტს, 19:00 სთ.-ზე, საქართველოს სტრატეგიისა და საერთაშორისო ურთიერთობების კვლევის ფონდში გაიმართება საქართველოს სტრატეგიისა და საერთაშორისო ურთიერთობების კვლევის ფონდის მიერ განხორციელებული და კომპანია `ჯეი-თი-აი კავკასუსის~ (JTI Caucasus) დაფინანსებული ტრენინგის საზეიმო გახსნის ცერემონია.
პროექტის მიზანია საქართველოს საჯარო სამსახურისა და მედიის ეფექტიანობის გაზრდა, ამასთანავე ფინანსების, ეკონომიკისა და სავაჭრო პოლიტიკის საკითხებში ჯანსაღი დებატების წარმოების პროცესის ხელშეწყობა.
პროექტის ფარგლებში მოხდება საქართველოს სახელმწიფო უწყებების საშუალო რგოლისა და მედიის იმ წარმომადგენლების გადამზადება, ვინც პირდაპირ არის ჩართული ქვეყნის ეკონომიკურ, ფინანსურ და სავაჭრო საკითხებზე პოლიტიკის შემუშავებასა და ინფორმაციის გავრცელებაში.
ლექციებს გაუძღვებიან საქართველოს სტრატეგიისა და საერთაშორისო ურთიერთობების კვლევის ფონდის მეცნიერ-თანამშრომლები.
პროექტის გახსნის ცერემონიას დაესწრებიან საჯარო უწყებებისა და მედიის მაღალი რანგის წარმომადგენლები. მათ შორის ფინანსთა და საგარეო საქმეთა მინისტრების მოადგილეები, შემოსავლების სამსახურის უფროსი, რეგიონული განვითარების სამინისტროსა და ეროვნული ბანკის თანამდებობის პირები.
მასალის გამოყენების პირობები
