„დევნილთა პროგრამა III", რომელიც დევნილი მოსახლეობისთვის ბინათმშენებლობასა და ინფრაქსტუქტურულ პროექტებს მოიცავდა, 2013 წლის ივლისში სრულდება, რის შემდეგაც გაგრძელდება დევნილთა პროგრამა IV, რომელიც ძირითადად ორიენტირებულია შემოსავლის წყაროებსა და დევნილთა ეკონომიკური მდგომარეობის გაუმჯობესებაზე.

„დევნილთა პროგრამა III-ის", მის ფარგლებში ბათუმში 22 საცხოვრებელი კორპუსი აშენდა, ფოთში - 32 და წყალტუბოში - 10 კორპუსი. მიმდინარე პროექტებია ფოთში 7 კორპუსის მშენებლობა, რომელიც ივლისის თვეში უნდა დასრულდეს. სამეთვალყურეო საბჭოს შეხვედრას ესწრებოდნენ ევროკავშირის წარმომადგენლები, რომლებმაც გასულ პერიოდში განხორციელებულ სამშენებლო სამუშაოებთან დაკავშირებით გარკვეული შენიშვნები დააფიქსირეს.

როგორც ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა დავით დარახველიძემ შეხვედრის დასრულოების შემდეგ აღნიშნა, სამუშაო შეხვედრა საკმაოდ დაძაბულად წარიმართა: „გავიხილეთ ევროკავშირის დაფინანსებით მიმდინარე პროგრამა III და პროგრამა IV. სამუშაოი შეხვედრის ძირითადად თემა იყო მიმდინარე მშენებლობები დევნილებისათვის. ეს არის ფოთში მიმდინარე 7- კორპუსის მშენებლობა. ასევე, ვისაუბრეთ დასრულებულ მშენებლობებზე, სადაც გარკვეული ხარვეზები დაფიქსირდა და საჭიროა მათი გამოსწორება. სამუშაო შეხვედრა მიმდინარეობდა საკმაოდ დაძაბულად, იყო კამათი, ურთიერთმოთხოვნები და იმედი მაქვს, ყველაფერი ისე დასრულდება, რომ დევნილთა საკითხების გადაწყვეტას პრობლემა არ შეექმნება."