აგრარული უნივერსიტეტის რექტორი ლაშა გოცირიძე ავტორიზაციის საბჭოს გონივრული გადაწყვეტილების მიღებისკენ მოუწოდებს.როგორც გოცირიძემ „პირველი რადიოს" პრესკლუბში სტუმრობისას განაცხადა, ავტორიზაციის საბჭომ აგრარულ უნივერსიტეტს დღეს ყველა ის უფლება უნდა აღუდგინოს,რაც ავტორიზაციის ჩამორთმევამდე ჰქონდა.
მისი თქმით, იმ შემთხვევაში თუ უნივერსიტეტისთვის მხოლოდ ავტორიზაციის აღდგენა მოხდება, ხოლო პროგრამები ისევ არააკრედიტირებული დარჩება, მაშინ უნივერსიტეტი მაინც ცუდ მდგომარეობაში აღმოცნდება.
"არააკრედიტებული პროგრამები უნივერსიტეტში დიდი ზიანის მომტანია, რადგან სტუდენტებს, რომლებსაც გრანტი აქვთ, გრანტს ჩამოართმევენ, ხოლო აბიტურიენტები არააკრედიტებულ პროგრამებს არ შემოხაზავენ, რაც უნივერსიტეტში ერთი თაობის გამოტოვებას ნიშნავს", - განაცხადა გოცირიძემ.
შეგახსენებთ, რომ აგრარულ უნივერსიტეტს ავტორიზაცია 12 მარტს შეუჩერდა. დღეს, კი 18.00 საათზე მათემატიკის ყოფილ ინსტიტუტში გაიმართება ავტორიზაციის საბჭოს სხდომა, სადაც აგრარული უნიუვერსიტეტის ავტორიზაციის საკითხი უნდა გადაწყდეს.
