დღეს, 26 მარტს, 19 საათზე, საქართველოს პარლამენტის ეროვნულ ბიბლიოთეკასა და აიბი - ევროკავკასიურ უნივერსიტეტს შორის მემორანდუმი გაფორმდება.
მემორანდუმი ითვალისწინებს მხარეებს შორის საგანმანათლებლო ხასიათის ინფორმაციის გაცვლას. ეროვნული ბიბლიოთეკა აიბი - ევროკავკასიურ უნივერსიტეტს თავის საგამოფენო და საკონფერენციო სივრცეს დაუთმობს. ასევე, სთავაზობს ისარგებლოს ბიბლიოთეკათშორისი მომსახურების აბონემენტით. უნივერსიტეტი ეროვნულ ბიბლიოთეკას მოამარაგებს თავისი გამოცემებით. მოეწყობა ერთობლივი გამოფენები, კონკურსები, ლექცია-სემინარები, ოლიმპიადები, კონფერენციები, დისკუსიები. მხარეები ჩაატარებენ ერთობლივ სამეცნიერო კვლევებს.
