საქართველოს პრეზიდენტი მიხეილ სააკაშვილი მწერალ გურამ დოჩანაშვილს დაბადების დღეს ულოცავს.
,,დღეს, თანამედროვეობის ერთ-ერთი საუკეთესო ქართველი მწერალი გურამ დოჩანაშვილი 74 წლის გახდა... ბატონი გურამის შემოქმედებაზე არაერთი თაობა აღიზარდა. მისი თითოეული ნაწარმოები სიკეთის, სიყვარულის, მეგობრობის და თავისუფლებისაკენ სწრაფვის სახელმძღვანელოა. გურამ დოჩანაშვილი მისი ეპოქის უდაოდ გენიალური მწერალია, მან ძალიან დიდი წვლილი შეიტანა ლიტერატურის განვითარებაშიც. სამშობლოს სიყვარულს, რომელიც ჩვენი დროის უდიდესი კლასიკოსის შემოქმედებას თან სდევს, თუ მართლაც არ გრძნობ, ფურცელზე ვერ გადაიტან. მინდა ბატონ გურამს ჯანმრთელობა და კიდევ მრავალი შემოქმედებითი წელი ვუსურვო!", _ ნათქვამია პრეზიდენტის მისალოც განცხადებაში.
