ხელვაჩაურის სოციალური მომსახურების სააგენტოს ხელმძღვანელ ბადრი მამულაძეს კაბინეტის კარი აუჭედეს.
არასამთავრობო ორგანიზაცია "საქართველოს კორუფციასთან ბრძოლის ცენტრის" ხელმძღვანელის მერაბ ღოღობერიძის განცხადებით, ერთი წლის გოგიტა აბაშიძის გარდაცვალების ერთ-ერთი მთავარი მიზეზი სააგენტოს ხელმძღვანელების გულგრილობა გახდა.
ღოღობერიძის თქმით, მამულაძე მამულაძე თანამდებობიდან უნდა გადადგეს, რადგან სააგენტო მოსახლეობას სოციალურად დაუცველის სტატუსს პოლიტიკური ნიშნით ანიჭებდა.
"თავი ვალდებულად ჩავთვალეთ, რომ მოვსულიყავით და ბადრი მამულაძის პასუხისმგებლობის საკითხი დაგვეყენებინა. ის ვალდებული იყო პირველ რიგში ამ ოჯახის მდგომარეობა გარკვეულიყო. მსგავsი ქმედებები აუცილებელია, რათა ადამიანებისთვის პოლიტიკური ნიშნით სოციალურად დაუცველის სტატუსის მინიჭება შეწყდეს", - განაცხადა ღოღობერიძემ.
ამასთან, თავად ბადრი მამულაძე ინციდენტის დროს ადგილზე არ იმყოფებოდა. მან ჟურნალისტებთან გაკეთებულ განცხადებაში აღნიშნა, რომ კომენტარს მოუცლელობის გამო ვერ აკეთებს.
"საქართველოს კორუფციასთან ბრძოლის ცენტრის" წარმომადგენელთა პროტესტი 23 მარტს, ბათუმის დედათა და ბავშვთა კლინიკაში ერთი წლის გოგიტა აბაშიძის გარდაცვალებამ გამოიწვია.
გოგიტა აბაშიძე კლინიკის რეანიმაციულ განყოფილებაში შოკურ მდგომარეობაში, 21 მარტს მოათავსეს. მედიკოსების განცხადებით, მისი მდგომარეობა ხშირმა შიმშილობამ გამოიწვია. ბავშვს მასის დეფიციტი და ნაწლავური პრობლემები აღენიშნებოდა. ექიმებმა მისი გადარჩენა ვერ შეძლეს.