განათლების ხარისხის განვითარების ეროვნულ ცენტრში აგრარული უნივერსიტეტის საკითხზე ხვალ, 26 მარტს იმსჯელებენ.
უნივერსიტეტის დამფუძნებელი კახა ბენდუქიძე არ გამორიცხავს, რომ, შესაძლოა, იურიდიული პრობლემები შეიქმნას.
ბენდუქიძე აცხადებს, რომ სასწავლებლისთვის ავტორიზაციის აღდგენასთან ერთად, შესაძლებელია აკრედიტაცია ჩამოერთვას.
ბენდუქიძის განმარტებით, იმ შემთხვევაში თუ სასწავლებელს აკრედიტაცია არ ექნება, სტუდენტებისთვის სახელმწიფო გრანტით განსაზღვრული თანხის შეწყვეტა მოხდება.
შეგახსენებთ, რომ აგრარული უნივერსიტეტი საბჭოს 12 მარტის გადაწყვეტილებას აპროტესტებს, რომლის თანახმად, უნივერსიტეტს ავტორიზაცია შეუჩერდა.
