საპარლამენტო კომიტეტებმა გაერთიანებულ სხდომაზე პირველი მოსმენისთვის განიხილეს კანონპროექტი „ჯავახეთის დაცული ტერიტორიების შექმნისა და მართვის შესახებ" კანონში ცვლილების შეტანის თაობაზე. ცვლილების თანახმად, კანონში ჯავახეთის დაცული ტერიტორიების საზღვრების საბოლოო დაზუსტების და დემარკაციის შედეგების ასახვა ხდება. საზღვრების დემარკაციისა და ადგილზე გამიჯვნის შედეგად, ჯავახეთის დაცული ტერიტორიების საერთო ფართობი 924,42 ჰექტარით მცირდება. ფართობის შემცირება გამოწვეულია იმ გარემოებით, რომ დემარკაციის დროს ბევრი ნაკვეთი აღმოჩნდა კერძო საკუთრებაში მიწის რეფორმის განხორციელების შემდგომ. პროექტის თანახმად, ხდება ტეროტორიის ჩანაცვლებაც.
კერძოდ, 17,5 ჰა ფართობი ამორიცხული იქნება ჯავახეთის ეროვნული პარკიდან და მის ნაცვლად 17,9 ჰექტარი ჩაირიცხება. ფართობის ჩანაცვლება გამოწვეულია მარაბდა-კარწახის სარკინიგზო ხაზის მშენებლობით. კანონპროექტით ასევე განისაზღვრა იმ სოფლების ჩამონათვალი, რომლებიც წარმოადგენენ ჯავახეთის მრავალმხრივი გამოყენების ტერიტორიას, სადაც გერმანიის რეკონსტრუქციის საკრედიტო ბანკის (კფწ) მიერ გამოყოფილი გრანტიდან ადგილობრივი მოსახლეობისთვის განსაზღვრულია გარკვეული სოციალური პროექტების განხორციელება. გარემოს დაცვისა და ბუნებრივი რესურსებისა და რეგიონული პოლიტიკისა და თვითმმართველობის კომიტეტებმა მხარი დაუჭირეს კანონპროექტის პლენარულ სხდომაზე გატანას.