აგრარული უნივერსიტეტის ხელმძღვანელობა განათლების ხარისხის განვითარების ეროვნული ცენტრის ავტორიზაციის საბჭოს გადაწყვეტილებას გაასაჩივრებს. როგორც ჟურნალისტებთან აგრარული უნივერსიტეტის რექტორმა ლაშა გოცირიძემ განაცხადა გადაწყვეტილება პოლიტიკურად მოტივირებულია და მას სასამართლოში გაასაჩივრებენ.
,,განათლების ხარისხის განვითარების ეროვნული ცენტრის ავტორიზაციის საბჭომ რეალურად არ შეისწავლა ის საკითხი, რომ აგრარული უნივერსიტეტი აკმაყოფილებს განათლების ხარისხისადმი წაყენებულ ყველა მოთხოვნას. საბაბად გამოიყენა ტექნიკური უზუსტობები თუ შენიშვნები და უნივერსიტეტს ავტორიზაცია გააუქმა. ვფიქრობ, ეს არის პოლიტიკურად მოტივირებული გადაწყვეტილება და მას სამართლებრივი პროცედურების სრული დაცვით გავასაჩივრებთ'", -განაცხადა ჟურნალისტებთან აგრარული უნივერსიტეტის რექტორმა ლაშა გოცირიძემ.
შეგახსენებთ, რომ აგრარულ უნივერსიტეტს ავტორიზაცია შეუჩერდა. გადაწყვეტილება განათლების ხარისხის განვითარების ეროვნული ცენტრის ავტორიზაციის საბჭომ გამთენიისას 9-საათიანი განხილვის შემდეგ მიიღო.