ა/წ 15-17 მარტს ჩატარდება "ქურთული კულტურის დღეები საქართველოში", ღონისძიება ტარდება საქართველოს ქურთთა ახალგაზრდობის კავშირის მიერ ერთობლივად საქართველოს პარლამენტის ეროვნულ ბიბლიოთეკასთან.
გამოფენა ეძღვნება ქურთული რადიოს (პირველი საზოგადოებრივი რადიოს მაუწყებელი) მუშაობის 35 -ე წლისთავს, ქურთულ სახალხო თეატრსა და ანსამბლებს.
ქურთული სახალხო თეატრი დაარსდა 1979 წელს, რომელსაც მიენიჭა სახალხოს წოდება. თავისი მოღვაწეობის პერიოდში თეატრის სცენაზე იდგმებოდა სპექტაკლები ოთარ ისოსელიანის, იური ვიზბორის, გიორგი ხუგაევის და სხ. სცენარის მიხედვით.
ქურთული რადიო რონკაი (განთიადი) დაარსდა 1978 წელს. წელს 29 სექტემბერს ის აღნიშნავს თავის 35-ე წლისთავის იუბილეის. მის ეთერში გადიოდა არაერთი გადაცემა ცნობილ მოღვაწეებზე, პოლიტოკოსებზე, სპორტსმენებზე და სხ.
კულტურის დღეეების გახსნა საზეიმო ვითარებაში გაიმართება ა/წ 15 მარტს 17:00 ს-ზე, საქართველოს პარლამენტის ეროვნული ბიბლიოთეკის საკონფერენციო დარბაზში (ლ. გუდიაშვილის 7). გამოფენა ღიაა 17 მარტის ჩათვლით.
სიტყვით გამოსცვლა: ბ-ნი თამაზ ავდალიანი, საქართველოს პარლამენტის დეპუტატი; ბ-ნი ზურაბ დვალი, ნაციონალური უმცირესობების ენაზე მაუწყებლობის გენერალური პროდიუსერი; ქ-ნი დოდო ჩაჩავა, კულტურის ცენტრ „იმედის" ხელმძღვანელი; ბ-ნი ქარამ ანყოსი, აღმოსავლეთ მცოდნე, ქურთული რადიო „რონკაის" რედაქტორი.

მეორე ნაწილი:
16 მარტს 17:00 საათზე, კავკასიურ სახლში (გ. ტაბიძის 20) გაიმართება ქურთი პოეტების ზინაიდა ჯავოევა, ქარამ ანყოსი და გრიგოლ კაკლიანის კრებულების პრეზენტაცია.

დამატებითი ინფორმაციისათვის დაუკავშირდით ელენე ხუდოიანს (593123472)
ან იხილეთ თემის საინფორმაციო რესურსზე www.ukyg.ge