დევნილთა სამინისტრომ ორგანიზაცია „კონსტიტუციის 42-ე მუხლთან" ერთად თბილისში, „ტურბაზა დიღომში" მცხოვრებ დევნილ ქალბატონებს ქალთა საერთაშორისო დღე მიულოცეს. 50-მა დევნილებმა ქალბატონმა სარვამარტო საჩუქრები მიიღეს. ასევე, მათ დაურიგდათ თემატური ბუკლეტები ქალთა უფლებების შესახებ.
„კონსტიტუციის 42-ე მუხლის" იურისტებმა ქალბატონებს გაუწიეს იურიდიულ კონსულტაცია ადამიანთა უფლებების, კონკრეტულად კი ქალთა უფლებების შესახებ და მიაწოდეს საჭირო ინფორმაცია მათთვის საინტერესო და აუცილებელ სამართლებრივ საკითხებზე.
როგორც ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს პრესსამმართველოს უფროსმა ეკა გულუამ აღნიშნა, რომ ეს არ არის ერთჯერადი ღონისძიება და მსგავსი სოციალური აქტივობები გაგრძელდება: „კონსტიტუციის 42-ე მუხლის" თანადგომით დევნილ მოსახლეობას ერთი ლამაზი ღონისძიება მოვუწყვეთ. ქალბატონებს მინისტრის, დავით დარახველიძის სახელით მივულოცეთ ქალთა საერთაშრისო დღე. სამინისტრო აქტიურად მუშაობს, რომ მეგობართა კლუბი გაფართოვდეს და სხვადასხვა ორგანიზაციისა თუ კომპანიის დახმარებით მსგავსი სოციალური აქციები უფრო მასშტაბური გავხადოთ. შევთანხმდით, რომ დევნილი მოსახლეობის მხარდასაჭერად „კონსტიტუციის 42-ე მუხლისა" და დევნილთა სამინისტროს თანამშრომლობა გაგრძელდება."
„კონსტიტუციის 42-ე მუხლის" აღმასრულებელმა დირექტორმა თამარ გაბისონიამ აღნიშნა, რომ ის გზამკვლევი, რომელიც დევნილ ქალბატონებს დაურიგდათ, მათ სხვადასხვა საკითხებში დაეხმარებათ: „კონსტიტუციის 42-ე მუხლი დიდი ხანია მუშაობს ქალთა უფლებებზე. ჩვენ გვაქვს გამოცემული გზამკვლევი, სადაც თავმოყრილია, ძირითადი ადამიანის უფლებები - მემკვიდრეობის უფლება, საუბარია საოჯახო ურთეიერთობებზე, ასევე, სხვა რა სახის სოციალური გარანტიები გააჩნიათ ქალბატობეს. ეს არის საკმაოდ მნიშვნელოვანი ინფორმაცია, რაც მათ დაეხმარებათ სხვადასხვა საკითხებში."