საქართველოში წითელას გავრცელების შემთხვევებმა იმატა. დაავადებათა კონტროლისა და საზოგადოებრივი ჯანმრთელობის ეროვნული ცენტრის სამეცნიერო საბჭოს ხელმძღვანელი პაატა იმნაძე ვარაუდობს, რომ საქართველოში წითელას კიდევ ასეულობით შემთხვევა დაფიქსირდება.
პაატა იმნაძე წითელას შემთხვევების მატების მიზეზად 2008 წელს ჩაშლილ წითელას იმუნიზაციას ასახელებს. ვირუსის გამოვლენილი შემთხვევების უმეტესობა 20-დან 29 წლამდე მერყეობს. იმნაძის განმარტებით, წითელას დაავადებების იმუნიზაცია ამჯერად წარმატებულად მიმდინარეობს.
შეგახსენებთ, რომ უკვე დაიწყო წითელაზე დაავადებულებთან კონტაქტში მყოფი პირებისა და 1-დან 7 წლამდე ასაკის ბავშვების უფასო, სავალდებულო ვაქცინაცია, რომელიც სამი თვის განმავლობაში გაგრძელდება.
