საქართველოს მასშტაბით უახლოესი რამდენიმე დღის განმავლობაში უნალექო ამინდი შენარჩუნდება. როგორც ,,ჯი-ეიჩ-ენთან" საუბარში ჰიდრომეტეოროლოგიური კვლევის ცენტრის მონიტორინგისა და პროგნოზირების სამსახურის ხელმძღვანელმა სვეტა ნიორაძემ განაცხადა საქართველოში უნალექო ამინდი შენარჩუნდება და ტემპერატურა მოიმატებს.
,,დღეს დილიდან მცირე ნალექი თოვლის სახით მოსალოდნელი იყო, მაგრამ თოვა შეწყდება და ამინდი გამოვა. ხვალ, 8 მარტს აღმოსავლეთ საქართველოსგან განსხვავებით დასავლეთ საქართველოში მოსალოდნელია მცირე ქარი, თუმცა ტემპერატურა მოიმატებს. უახლოესი დღეების განმავლობაში აღმოსავლეთ საქართველოში ჰაერი 15-17 გრადუსამდე გათბება, რაც შეეხება დასავლეთ საქართველოს აქ ტემპერატურა 18-20 გრადუსამდე მოიმატებს", _განაცხადა სააგენტო ,,ჯი-ეიჩ-ენთან" საუბარში სვეტა ნიორაძემ.