დღეს, 7 მარტს, 13:00 სათზე, საქართველოს რეგიონული განვითარებისა და ინფრასტრუქტურის მინისტრი დავით ნარმანია მუნიციპალიტეტების ხელმძღვანელებთან შეხვედრებს განაგრძობს.
სამინისტროს ინფორმაციით, დავით ნარმანია კახეთის, მცხეთა-მთიანეთის, შიდა ქართლისა და ქვემო ქართლის მუნიციპალიტეტების გამგებლებს, ინფრასტრუქტურის სამსახურების ხელმძღვანელებს, საკრებულოს თავმჯდომარეებსა და წევრებს შეხვდება.
შეხვედრაზე განიხილავენ 2013 წელს რეგიონებში განსახორციელებელი პროექტების ფონდიდან დასაფინანსებელი პროექტების მომზადებისა და სამთავრობო კომისიისთვის წარდგენის პროცედურებს. მუნიციპალიტეტების ხელმძღვანელები, აგრეთვე, მიიღებენ დეტალურ ინფორმაციას მათ რეგიონებში დაგეგმილი ინფრასტრუქტურული პროექტების შესახებ.
შეხვედრა სასტუმრო „შერატონ მეტეხი პალასში" გაიმართება.
