"ტორპედო ქუთაისსა" და აკაკი წერეთლის სახელმწიფო უნივერსიტეტს შორის გაფორმებული ურთიერთთანამშრომლობის მემორანდუმის საფუძველზე უნივერსიტეტში სტუდენტთა „ქომაგთა კლუბი" ჩამოყალიბდება, რომელთა წევრებიც ლეგენდარულ კლუბ „ტორპედო ქუთაისს" უგულშემატკივრებენ და მატჩებზე დასასწრებად სპეციალური პირობებითაც ისარგებლებენ. ურთიერთთანამშრომლობის მემორანდუმს ხელი აკაკი წერეთლის სახელმწიფო უნივერსიტეტში 6 მარტს მოეწერა.
‘‘‘ტორპედო ქუთაისი" არის წარმატების დიდი ისტორია, რომელშიც ვისოლ ჯგუფი ახალ ფურცლებს წერს. წელს გუნდმა საქართველოს თასის მეოთხედფინალში გადასვლა უკვე მოახერხა და საქართველოს ჩემპიონატის ლიდერთა შორისაა. თუმცა გუნდის მეტად გაძლიერებისათვის, განსაკუთრებულად მნიშვნელოვანია გულშემატკივართა მხარდაჭერა და სიმრავლე. შეაბამისად, მოხარული ვართ, რომ აკაკი წერეთლის სახელმწიფო უნივერსიტეტის სტუდენტებს სურვილი აქვთ „ქომაგთა კლუბი" ჩამოაყალიბონ და უგულშემატკიბვრონ გუნდს, რომელთა მატჩები ქუთაისში სახალხო დღესასწაულია" - აცხადებენ „ტორპედო ქუთაისში".
"ტორპედო ქუთაისსა" და აკაკი წერეთლის სახელმწიფო უნივერსიტეტს შორის გაფორმებული ურთიერთთანამშრომლობის მემორანდუმის საფუძველზე სტუდენტები "ტორპედო ქუთაისის" მატჩებზე დასასწრებად სპეციალური პირობებით ისარგებლებენ. მათ დაეთმობათ სპეციალურად გამოყოფილი სექტორი სტადიონზე და ბილეთებსაც სპეციალური ფასდაკლებით შეიძენენ.
„ტორპედო ქუთაისზე" მზრუნველობა ვისოლმა 2010 წლიდან დაიწყო და გუნდის განვითარებისათვის მილიონობით ინვესტიციებს ახორციელებს და ევროპული სტანდარტების სპორტული ინფრასტრუქტურის შექმნით იდეალურ პირობებს უქმნის გუნდს წარმატებისათვის.