საქართველოს მასშტაბით რვა მარტამდე არამდგრადი ამინდი შენარჩუნდება. როგორც ,,ჯი-ეიჩ-ენთან" საუბარში ჰიდრომეტეოროლოგიური კვლევის ცენტრის მონიტორინგისა პროგნოზირებისა სამსახურის ხელმძღვანელმა სვეტა ნიორაძემ განაცხადა უახლოეს რამდენიმე დღის განმავლობაში საქართველოს მასშტაბით ყინვაა მოსალოდნელი.
,,თოვლ_ჭყაპი დღეს შენარჩუნდება, უკვე ხვალიდან თბილისში შედარებით უნალექო ამინდია მოსალოდნელი. ველოდებით ნალექს მცირე თოვლის სახით. რაც შეეხება დასავლეთ და აღმოსავლეთ საქართველოს - ხვალისთვის, მოსალოდნელია ნალექი უმეტესად თოვლის სახით. უკვე დღეს საღამოს გაძლიერდება ქარი 20-25 მ/წმ", _განაცხადა სვეტა ნიორაძემ და აღნიშნა, რომ 6-8 მარტამდე ყინვა შენარჩუნდება.
,,დასავლეთ საქართველოში ყინვა -3, -4 გრადუსამდე შენარჩუნდება, ხოლო აღმოსავლეთ საქართველოში -5, -7 გრადუსამდე. რაც შეეხება თბილისს ყინვა -2, -4 გრადუსამდე მიაღწევს", _განაცხადა ,,ჯი-ეიჩ-ენთან" საუბარში სვეტა ნიორაძემ და აღნიშნა, რომ უკვე რვა მარტიდან ტემპერატურა მოიმატებს.
მასალის გამოყენების პირობები