საქართველოს პრემიერ მინისტრი ბიძინა ივანიშვილი მეუღლესთან ერთად დიდუბის მწერალთა და საზოგადო მოღვაწეთა პანთეონში, ცნობილი ქართველი მსახიობის რამაზ ჩხიკვაძის საფლავზე მივიდა და მის ხსოვნას პატივი მიაგო. დღეს საქართველოს სახალხო არტისტს რამაზ ჩხიკვაძეს 85 წელი შეუსრულდებოდა.
„რამაზი ჩემი მეგობარი იყო, დღეს მას 85 წელი შეუსრულდებოდა. რამაზი იმ ადამიანთა რიცხვს მიეკუთვნება, რომლებიც წარუშლელ კვალს ტოვებენ და მარადიულად რჩებიან ერის ხსოვნაში...როდესაც მომენატრება რამაზი, მარიონეტების თეატრში მივდივარ და ვნახულობ სპექტაკლს „ჩემი გაზაფხულის შემოდგომა", სადაც ის ჩიტ ბორიას ახმოვანებს",-განაცხადა ბიძინა ივანიშვილმა ჟურნალისტებთან საუბრისას.
