ცხინვალის რეგიონიდან დევნილმა, შეზღუდული შესაძლებლობის მქონე ზაურ ხადურმა, რომელიც თბილისში კარავში ცხოვრობდა, გორში საკუთარი ბინა მიიღო. ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრომ თავად უზრუნველყო მისი თბილისიდან გორში ტრანსპორტირება და საჭირო აუცილებელი ინვენტარიც (საწოლები, თეთრეული, პლედები, გამათბობელი, სამზარეულოს ნიჟარა და სხვა საყოფაცხოვრებო ნივთები ) გადასცა.
83 წლის დევნილი მხოლოდ ეტლით გადაადგილდება და მხედველობაც დაკარგული აქვს. ზაურ ხადურმა ერთოთახიანი ბინა ყოფილი მე-7-ე ბაღის შენობაში მიიღო, რომელიც დევნილი მოსახლეობისთვის დევნილთა სამინისტრომ გაარემონტა.