აშშ-ს სახელმწიფო დეპარტამენტის ჰუმანიტარული ბიუროს დირექტორი ჯერალდ ობენდორფერი და საქართველოში აშშ-ს საელჩოს წარმომადგენლები შინაგან საქმეთა სამინისტროს საგანგებო სიტუაციების მართვის დეპარტამენტის სამაშველო მომზადებისა და რეაგირების სამმართველოს ეწვივნენ.
საგანგებო სიტუაციების მართვის დეპარტამენტის დირექტორმა ზვიად ქაწაშვილმა სტუმრებს სამაშველო აღჭურვილობა, სპეცტექნიკა და შენობა-ნაგებობები დაათვალიერებინა, რის შემდეგაც ისინი ბაზის ტერიტორიაზე სხვადასხვა საჩვენებელ წვრთნას დაესწრნენ.
აშშ-ს სახელმწიფო დეპარტამენტის ჰუმანიტარული ბიუროს დირექტორმა და მოწვეულმა სტუმრებმა მაშველების პროფესიული მომზადების დონე დადებითად შეაფასეს და შინაგან საქმეთა სამინისტროსთან თანამშრომლობის გაღრმავების სურვილი გამოთქვეს.
შეხვედრის დასასრულს, ჯერალდ ობენდორფერმა ასევე გამოთქვა სურვილი, საგანგებო სიტუაციების მართვის დეპარტამენტს ორგანიზაციის ჰუმანიტარული ტვირთი გადასცეს. აღნიშნული ჰუმანიტარული ტვირთი სამაშველო და პირველადი სამედიცინო დახმარების აღჭურვილობასა და სხვა საშუალებებს მოიცავს.
