რომის პაპი ბენედიქტ XVI, რომელმაც პონტიფიკობაზე უარი განაცხადა, დღეს პაპის რანგში ბოლოჯერ გამოჩნდება საჯაროდ. წმინდა პეტრეს მოედანზე ვატიკანში ათობით ათასი ადამიანი შეიკრიბება, რათა პაპს დაემშვიდობოს და პატივი მიაგოს.
ბენედიქტ XVI პონტიფიკის რანგში ბოლოჯერ ჩაუვლის მრევლს "პაპიმობილით".
ხვალ, 28 თებერვალს, ძალაში შევა მისი გადაწყვეტილება გადადგომის შესახებ.
უახლოეს დღეებში კი კარდინალების შეკრება იგეგმება, რომლებიც ახალი პაპის არჩევის გრაფიკს შეადგენენ და დაამტკიცებენ.
ვატიკანის ინფორმაციით, გადადგომის შემდეგ ბენედიქტ XVI-ე "საპატიო პაპის" ტიტულს მიიღებს.