სავაჭრო ცენტრ საბას მიმდებარე ტერიტორიაზე გაჩენილ ხანძარს 35 სამაშველო ჯგუფი და 300-ზე მეტი მეხანძრე 4 საათი განმავლობაში აქრობდა.
5000 კვადრატულ მეტრზე ხანძარი წუხელ 9-ის ნახევარზე გაჩნდა. დამწვარია სავაჭრო ცენტრში არსებული 50-მდე მაღაზია. მეპატრონეებმა მხოლოდ ავეჯის ნაწილის გამოტანა შეძლეს. ხანძრის გამომწვევი მიზეზები ჯერჯერობით უცნობია. ერთ-ერთ ვერსიად ელექტროგაყვანილობა სახელდება. ხანძრის მასშტაბის გამო მისი სხვა შენობებზე გავრცელების საშიშროებაც არსებობდა, თუმცა მეხანძრეებმა მისი ლოკალიზება მოახერხეს. ხანძრის შედეგად არავინ დაშავებულა.