25 თებერვალს, პარლამენტის შენობის წინ საქართველოს ფინანსთა მინისტრმა ნოდარ ხადურმა და სამინისტროს ხელმძღვანელობამ პატივი მიაგეს 1921 წელს დაღუპული ქართველი იუნკერების ხსოვნას და გვირგვინებით შეამკეს იუნკერების მემორიალი.
„დღეს პატივი მივაგეთ ადამიანებს, რომლებმაც სრულად ახალგაზრდებმა სიცოცხლე შესწირეს საქართველოს დამოუკიდებლობას და იმას, რომ ჩვენ უკეთეს საქართველოში ვიცხოვროთ და მეორედ აღარ განმეორდეს ასეთი ტრაგედია," - განაცხადა ნოდარ ხადურმა.
დღესვე ფინანსთა მინისტრმა მონაწილეობა მიიღო ცერემონიაში, რომლის დროსაც საქართველოს პრემიერ-მინისტრმა ბიძინა ივანიშვილმა პარლამენტის თავმჯდომარესთან, მთავრობისა და პარლამენტის წევრებთან ერთად, პატივი მიაგო ქართველი იუნკერების ხსოვნას. პარლამენტის ეზოში, ხარების სახელობის სამლოცველოში პრემიერ-მინისტრი, მთავრობისა და პარლამენტის წევრები დაესწრნენ იუნკერთა სულის მოსახსენიებელ პანაშვიდს.
