აფხაზეთიდან დევნილი 20 ოჯახი დღეს, მოსკოვის გამზირზე, ბაბუციძის ქუჩაზე ახალ ბინაში შესახლდა. დევნილებს ახალმოსახლეობა დევნილთა მინისტრმა დავით დარახველიძემ მიულოცა, ბინის გადსაღები თავად გადასცა და ახალი საცხოვრებელი კიდევ ერთხელ დაათვალიერა.
აღნიშნულ შენობაში ე.წ. „არაშენდიდან" გამოსახლებული დევნილები შესახლდებიან (ეს ის დევნილები არიან, რომლებმაც შემდეგ ბაქოს ქუჩა N1 თვითნებურად დაიკავეს). აღნიშნული ოჯახები დათანხმდნენ სამინისტროს წინადადებას, საკუთარი სურვილით დატოვეს თვითნებურად დაკავებული ბაქოს ქუჩა N 1. შესაბამისად, მათი ძალით გამოსახლება არ გახდა საჭირო. აღნიშნულ ოჯახებს სამინისტრომ პირობა მისცა, რომ თებერვლის ბოლოს ახალ ბინებში გადაიყვანდნენ.
როგორც დევნილები აცხადებენ, როგორც დევნილებმა აღნიშნეს, პირველი შემთხვევაა, როცა თვითნებურად დაკავებული ობიექტიდან მათი გამოსახლეობა არ გახდა საჭირო; როცა დევნილებსა და სამინისტროს შორის პრობლემები დიალოგის რეჟიმში წყდება; როცა სამინისტრო პირობას ასრულებს; როცა რეაბილიტაციისას დევნილთა ინტერესები გათვალისწინებულია და დევნილებსა და სამინისტროს შორის ნდობა აღდგენილია.
სვეტლანა ჯეჯელავა, აფხაზეთიდან დევნილი: „19 წლის მანძილზე წარმოუდგენელი რამ მოხდა. ერთი ის, რომ საკუთარი ჭერი გაგვიჩნდა; მეორე ის, ჯერ გამოსახლებულები ვიყავით, შემდეგ შეჭრილები და არავის სჯეროდა, რომ ვინმე მოგვხედავდა; მესამე ის, რომ მინიტრი თავად მოდიოდა ჩვენთან და გვარწმუნებდა, რომ თვითნებურად დაკავებული შენობა დაგვეტოვებინა და თებერვლის ბოლოს უკეთეს ბინებში გადმოგვიყვანდა; მეოთხე და მთავარი კი ის არის, რომ 19 წლიანი დევნილობის მანძილზე, სამინისტრო ადამიანურად მიოგვექცა, პირობა იდეალურად შეასრულა - ახალ ბინებში იმაზე ადრე შეგვასახლეს, ვიდრე გვპირდებოდნენ და რაც ასევე მთავარია, ძალიან კარგი რემონტია, ხარისხიანი და ყველანი კმაყოფილებივართ. ყველაზე მნიშვნელოვანი ის არის, რომ ამ ხალხს ვენდობით და გვჯერა, რომ რასაც გვპირდებიან, ასრულებენ კიდეც".
ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი დავით დარახველიძე აღნშნულ ობიექტზე ერთი თვის წინაც იმყოფებოდა და სარემონტო სამუშაოები დევნილ მოსახლეობასთან ერთად დაათვალიერა, რომ რეაბილიტაციისას მათი ინტერესების გათვალისწინება მომხდარიყო. როგორც დავით დარახველიძემ აღნიშნა ეტაპობრივად სხვა დევნილების პრობლემებიც მოგვარდება.
„ ეს არის ჩვენი დანაპირევის შესრულება. მინდა ავღნიშნო, რომ დასრილდა იმ ადამაინების უსახლკარობა, რომლებიც წლების მანძილზე „არაშენდაში" ცხოვრობდნენ, იქიდან გამოასახლეს, შემდეგ ბაქოს ქუჩა #1 თვითნებურად დაიკავეს, დავარწმუნეთ, რომ ეს შენობა დაეტოვებინათ. დაგვიჯერეს და ქირით ცხოვრობდნენ. ეს წვალება და რთული პერიოდი საბედნიეროდ დარსულდა. დანაპირევი შევასრულეთ და დრეს ბინის გასაღები 20 ოჯახს გადავეცით. მიხარია, რომ დევნილ მოსახლეობას ნდობა დაუბრინდა. მინდა სხვა დევნილებიც გავამხნევო და ვუთახრა, რომ ეტაპობრივად ყველას პრობლემა მოგვარებული იქნება."