საქართველოს პარლამენტის ვიცე-სპიკერის პაატა დავითაიას შეფასებით, მოსკოვსა და სოხუმს შორის საჰაერო მიმოსვლის აღდგენით "ირღვევა ყველა საერთაშორისო სამართლის პრინციპი, რაც კი არსებობს".
"ბაღაფშის რუსეთში ჩასვლა და მოსკოვთან სხვადასხვა ხელშეკრულების გაფორმება კიდევ ერთხელ მიუთითებს იმაზე, რომ საქართველოს წინააღმდეგ მოსკოვის აგრესია გრძელდება. რაც შეეხება უშუალოდ საჰაერო მიმოსვლის აღდგენის შესახებ შეთანხმების გაფორმებას, ამით ირღვევა ყველა საერთაშორისო სამართლის პრინციპი, რაც კი არსებობს", - განუცხადა დავიათაიამ აღნიშნულ საკითხზე კომენტირებისას ჟურნალისტებს.
ამასთან, თბილისში მიიჩნევენ, რომ ბაღაფი მოსკოვში ვიზიტის დროს რუსეთს "ანგარიშს ჩააბარებს და მისგან ახალ ინსტრუქციებს მიიღებს".
შეგახსენებთ, რომ მოსკოვი და სოხუმი შორის საჰაერო მიმოსვლის აღდგენის შესახებ დოკუმენტს ოფიციალურად დღეს გააფორმებენ.
შესაბამის ხელშეკრულებას ხელს რუსეთის პრეზიდენტი დიმიტრი მედვედევი და მოსკოვში ვიზიტით მყოფი, აფხაზეთის დე-ფაქტო ლიდერი სერგეი ბაღაფში მოაწერენ.
გარდა ამისა, ხელი მოეწერება დოკუმენტს აფხაზეთში გაერთიანებული რუსული ბაზის ამოქმედების შესახებაც.
ე.წ. ინაუგურაციის შემდეგ აფხაზეთის დე-ფაქტო ლიდერი მოსკოვში დღეს პირველად ჩავა. სერგეი ბაღაფში რუსეთის პრეზიდენტისა და პრემიერ-მინისტრის გარდა, ქვეყნის პატრიარქს კირილსაც შეხვდება.
