გავრცელებული ინფორმაციით, ახალგაზრდა იურისტთა ასოციაციის ყოფილი თავმჯდომარე, თამარ ჩუგოშვილი პრემიერ-მინისტრის აპარატში იწყებს მუშაობას. აღნიშნული ინფორმაცია ჩუგოშვილმა მედიასთან საუბარში უკვე დაადასტურა და განაცხადა, რომ თუ კონკრეტულად რა პოზიციას დაიკავებს, ჯერ ცნობილი არ არის. სტურქტურა, სადაც ჩუგოშვილი გააგრძელებს მუშაობას, ჩამოყალიბების პროცესშია.
ჩუგოშვილის განცხადებითვე, ის ადამიანის უფლებებზე და დემოკრატიულ რეფორმებზე იმუშავებს.
თამარ ჩუგოშვილი საქართველოს ახალგაზრდა იურისტთა ასოციაციის პრეზიდენტად 2010 წლიდან მუშაობდა. მან თანამდებობა 2012 წლის დეკემბერში დატოვა და მას შემდეგ საკონსტიტუციო ცვლილებების საყოველთაო სახალხო განხილვის პროცესშია ჩართული.
