საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს „ცხელ ხაზზე" 2013 წლის იანვრის თვის განვალობაში 3243 მოქალაქის ზარი დაფიქსირდა.
იძულებით გადაადგილებულ პირთა ძირითადი საჭიროება უცვლელია და გასული თვეების მსგავსად, ძირითადად დევნილთა განსახლების საკითხებ ეხება. კერძოდ, დევნილი საზოგადოების ის ნაწილი, რომელთაც საბინაო პრობლემა წლების განმავლობაში არ მოგვარებია, აინტერესებთ, როდის დაკმაყოფილდებიან საცხოვრებელი ფართით.
განსახლების საკითხთან დაკავშირებით იანვრის თვეში 723 ზარი დაფიქსირდა; შენობის რეაბილიტაციისა და კომუნიკაციის საკითხებთან დაკავშირებით - 87; დევნილთა მონაცემთა ბაზაში ცვილებების განხორციელებასა და სტატუსის მოთხოვნასთან დაკავშირებით - 280 ზარი დაფიქსირდა; სოციალური და სხვა სახის დახმარებებთან დაკავშირებით 452 ზარი შემოვიდა.
სამინისტროს „ცხელი ხაზი" ორშაბათიდან პარასკევის ჩათვლით 10:00 საათიდან 19:00 საათამდე მუშაობს. „ცხელ ხაზზე" დაკავშირება შესაძლებელია შემდეგ ნომრებზე:
თბილისიდან: 243 11 00 ან 14-07;
მობილურიდან: (032) 243 11 00;
რეგიონებიდან: (032) 243 11 00.