თბილის მეტროპოლიტენში ვარკეთილის მიმართულებით მოძრაობა აღდგენილია. როგორც ,,ჯი-ეიჩ-ენთან" საუბარში თბილის მეტროპოლიტენის პრესსამსახურის ხელმძღვანელმა თამაზ რობაქიძემ განაცხადა მოძრაობის შეფერხების მიზეზი საკონტაქტო რელსის კაბელის დაზიანება გახდა.
მისივე თქმით, ამ ეტაპზე დაზიანება აღმოფხვრილია და თბილის მეტროპოლიტენში მგზავრების გადადგილება ჩვეულ რეჟიმში მიმდინარეობს.
შეგახსენებთ, რომ რვისნახევარზე სამგორი ვარკეთილის მონაკვეთზე მოხდა საკონტაქტო რელსის კაბელის დაზიანება, რის გამოც მოძრაობა შეფერხდა და მეტროპოლიტენის ხაზი ვარკეთილის მიმართულებით არ მუშაობდა.