თბილის მეტროპოლიტენში ვარკეთილის მიმართულებით მოძრაობა, სავარაუდოდ ერთ საათში აღდგება. როგორც ,,ჯი-ეიჩ-ენთან" საუბარში თბილის მეტროპოლიტენის პრესსამსახურის ხელმძღვანელმა თამაზ რობაქიძემ განაცხადა, მოძრაობის შეფერხების მიზეზი საკონტაქტო რელსის კაბელის დაზიანება გახდა.
,,რვის ნახევარზე სამგორი ვარკეთილის მონაკვეთზე მოხდა საკონტაქტო რელსის კაბელის დაზიანება, რის გამოც მოძრაობა შეფერხდა. ამ ეტაპზე მიმდინარეობს აღდგენითი სამუშაოები და მოძრაობა, სავარაუდოდ 11:00 საათისთვის აღდგება", _განაცხადა თამაზ რობაქიძემ.
შეგახსენებთ, რომ დილიდან თბილისის მეტროპოლიტენის ხაზი ვარკეთილის მიმართულებით არ მუშაობს.
