თბილისის მერია ოფიციალურად მიმართავს საქართველოს მთავრობას მიიღონ გადაწყვეტილება, რომ მიკროავტობუსების მძღოლების საქმიანობა თვეში 10 ლარის ოდენობით, ფიქსირებული გადასახადით დაიბეგროს, რაც მნიშვნელოვანი მატერიალური შეღავათი იქნება მძღოლებისთვის.
"მიკროავტობუსების მძღოლებს ფინანასთა სამინისტროში შეხვედრისას განუცხადეს,რომ თბილისის მერიის ინიციატივა, რომელიც მათი საქმიანობის თვეში 10 ლარის ოდენობით ფიქსირებული გადასახადით დაბეგვრას გულისხმობს, რთულად განსახორციელებელია.
ჩვენთვის გასაგებია, რომ ფინანსთა მინისტრის გარეშე სამინისტროს თანამშრომლებისთვის ამ საკითხზე გადაწყვეტილების მიღება რთულია და ამიტომ მზადყოფნას გამოვთქვამთ მინისტრთან ერთად ინტენსიურად ვიმუშაოთ აღნიშნული საკითხის დადებითად გადასაწყვეტად. ამასთან, თბილისის მერია ოფიციალურად მიმართავს საქართველოს მთავრობას მიიღონ გადაწყვეტილება, რომ მიკროავტობუსების მძღოლების საქმიანობა თვეში 10 ლარის ოდენობით, ფიქსირებული გადასახადით დაიბეგროს, რაც მნიშვნელოვანი მატერიალური შეღავათი იქნება მძღოლებისთვის.
ამასთანავე, კიდევ ერთხელ განვმარტავთ, რომ მოქმედი საგადასახადო კოდექსი ითვალისწინებს შესაძლებლობას, რომ საქმიანობის ნებისმიერი სახე, რომლის შედეგად მიღებული შემოსავალი წლის განმავლობაში არ აღემატება 100 000 ლარს, საქართველოს მთავრობის გადაწყვეტილებით დაიბეგროს ფიქსირებული გადასახადით. როგორც მაგალითად უკვე იბეგრება სილამაზის სალონები,პურის საცხობები, სოლარიუმები, ავტო-პროფილაქტიკები და ა.შ", - ნათქვამია მერიის განცხადებაში.
