ვენეციის კომისიის პრეზიდენტის ჯანი ბუკიკიოსა და არასამთავრობო სექტორის წარმომადგენლების შეხვედრა დასრულდა. შეხვედრის დასრულების შემდეგ ბუკიკიოს მედიის წარმომადგენლებთან კომენტარი არ გაუკეთებია, თუმცა როგორც არასამთავრობო სექტორის წარმომადგენლები აცხადებენ ვენეციის კომისიის პრეზიდენტი დაინტერესდა სამოქალაქო საზოგადოების წარმომადგენლების პოზიცითთ ქვეყანაში მიმდინარე პროცესებთან დაკავშირებით.
,,ვენეციის კომისიას ძირითადად აინტერესებდა სამოქალაქო საზოგადოების წარმომადგენლების მოსაზრება რამდენიმე საკითხთან დაკავშირებით, კერძოდ სასამართლო რეფორმის შესახებ, განსაკუთრებით დაინტერესდა ნაფიც მსაჯულთა ინსტიტუტთან დაკავშირებული ახალი ინიციატივით და პოლიტპატიმრების აღიარების პროცესის შეფასებით", -განაცხადა ,,სამართლიანი არჩევნებისთვის"' ხელმძღვანელმა ნინო ლომჯარიამ შეხვედრის დასრულების შემდეგ.
შეგახსენებეთ, რომ საქართველოში ვიზიტის ფარგლებში ვენეციის კომისიის პრეზიდენტი ასევე შეხვდება აღმასრულებელი ხელისუფლების წარმომადგენლებსა და უზენაესი სასამართლოს თავმჯდომარეს
