ჭიდაობის ფედერაციის პრეზიდენტმა ლუკა კურტანიძემ მსოფლიო ჩემპიონი და მრავალი ტიტულების მფლობელი, ამჟამად ფედერაციის ვიცე-პრეზიდენტი თემურ ყაზარაშვილი ცემა.
"რუსთავი 2'-ის ინფორმაციით, ჭიდაობის ფედერაციაში, ლუკა კურტანიძესა და მწვრთნელებს შორის დაპირისპირება მოხდა, რა დროსაც ლუკა კურტანიძემ სიტყვიერი და ფიზიკური შეურაცხყოფა მიაყენა თემურ ყაზარაშვილსა და ფედერაციის სხვა წევრებს.
ჭიდაობის ფედერაციის წევრების განცხადებით, ლუკა კურტანიძემ ფიზიკური შეურაცხყოფა მიაყენა მსოფლიო ჩემპიონს, თემურ ყაზარაშვილს და მის მეგობარს, ბავშვებისა და უამრავი მოწმის თანდასწრებით.
ყაზარაშვილის განმარტებით, კურტანიძემ მას უკანონო დოკუმენტზე ხელის მოწერა მოსთხოვა უარის შემდეგ ფიზიკურად გაუსწორდა.
"კურტანიძე მთხოვდა უკანონო დოკუმენტზე ხელის მოწერას. უარი ვუთხარი. ამის შემდეგ მან ხელი და წიხლი დამარტყა. ფიზიკურად გამისწორდა", - აცხადებს თემურ ყაზარაშვილი.
ჭიდაობის ფედერაციის წევრები კურტანიძის საქციელს გმობენ და აცხადებენ, რომ დღეიდან ის ფედერაციის პრეზიდენტი არ არის.
"დღეიდან ის აღარ არის ჭიდაობის ფედერაციის პრეზიდენტი, რადგან მან სცემა მსოფლიო ჩემპიონს, ასაკოვან კაცს, თემურ ყაზარაშვილს. წააქცია და ხელი დაარტყა, ბავშვებს აყურებინა ეს ყველაფერი", - აცხადებენ ჭიდაობის ფედერაციაში.