საქართველოს პრეზიდენტმა ქუთაისის საზოგადოებას გამოფხიზლებისკენ მოუწოდა და ავლაბრის რეზიდენციაში შეკრებილს ქუთაისის უნივერსიტეტის სტუდენტებსა და პროფესორ-მასწავლებლებთან საკანონმდებლო ორგანოში მძინარე დეპუტატის გუბაზ სანიკიძის ფოტო წარუდგინა.
,,სანამ პარლამენტში თქვენს მიერ არჩეულ პარლამენტარს სძინავს, მნიშვნელოვანია, რომ ქუთაისის საზოგადოებამ გამოიღვიძოს, რათა ქუთაისს პარლამენტი არ წაართვან, რათა საქართველოს არ წაართვან ქუთაისში პარლამენტი და ჩვენ ყველას არ წაგვართვან საქართველოსთვის ძალიან მნიშვნელოვანი იდეა - საქართველოს რეგიონალიზმის, საქართველოს გაძლიერების, საქართველოს მყარად, ორ ფეხზე დაყენების იდეა, რომელსაც განასახიერებს ქუთაისი პარლამენტი', -განაცხადა მიხეილ სააკაშვილმა
