მომღერლებმა ლაშა ღლონტმა და ნატო გელაშვილმა ამერიკის შეერთებულ შტატებში ვიზიტისას, ვაშინგტონში, ვოლტერრიდის სამხედრო ჰოსპიტალში ქართველი ჯარისკაცები მოინახულეს.
ამ დროისთვის ჰოსპიტალში ავღანეთში დაჭრილი ექვსი ქართველი სამხედრო მოსამსახურე მკურნალობს: რიგითი ახმედ საფაროვი, უფროსი ლეიტენანტი ვახტანგ დოლიძე, ვიცე-პოლკოვნიკი ალექსანდრე ტუღუში, უმცროსი სერჟანტი ჯონი თოფურია, კაპრალები პაპუნა სხულეხია და დავით ნარეშელაშვილი.
ქართველი სამხედროები, ISAF-ის სამშვიდობო მისიის ფარგლებში, ჰელმანდის პროვინციაში, ამერიკული კონტინგენტის შემადგენლობაში მსახურობდნენ.
