შინაგან საქმეთა სამინისტროს ვაკე-საბურთალოს პოლიციის მე-2 განყოფილების თანამშრომლებმა ცეცხლსასროლი იარაღის უკანონოდ შეძენა, შენახვა, ტარების ბრალდებით ლევან ქ. და თენგიზ ჯ. დააკავეს.
სამართალდამცველებმა ორივე ბრალდებული ვაჟა-ფშაველას მე-4 კვარტალში ოპერატიული ინფორმაციის საფუძველზე დააკავეს. მათი პირადი ჩხრეკის შედეგად ავტომატური ცეცხლსასროლი იარაღი „კალაშნიკოვი", ნიღბები და ხელთათმანები ამოიღეს.
გამოძიება სისხლის სამართლის კოდექსის 236-ე მუხლის 1-ლი და მე-2 ნაწილის შესაბამისად მიმდინარეობს. დანაშაული 3-დან 5 წლამდე პატიმრობას ითვალისწინებს.
მასალის გამოყენების პირობები
