კახეთის საინფორმაციო ცენტრის ინფორმაციით, ყვარლის რაიონის სოფელ შილდაში სააგენტო info9.com-ის ყოფილმა ოპერატორმა, 33 წლის რევაზ ჭილაძემ სოფლის ტერიტორიული ორგანოს შენობაში თავი ჩამოიხრჩო.
რა გახდა თვითმკვლელობის მიზეზი, უცნობია. გავრცელებული ინფორმაციით, რევაზ ჭილაძემ შემთხვევის ადგილზე წერილი დატოვა, სადაც იტყობინებოდა რომ თვითმკვლელობის გადაწყვეტილება თავად მიიღო და მას ნურავის დააბრალებდნენ.
რევაზ ჭილაძე 2012 წლის 1 ოქტომბრის საპარლამენტო არჩევნების შემდეგ უმუშევარი იყო.
გარდაცვლილს მეუღლე და ორი მცირეწლოვანი შვილი დარჩა.
მომხდარზე დაწყებულია გამოძიება. საქმეს ყვარლის პოლიცია იძიებს.