გაფიცულ მიკროავტობუსის მძღოლებსა და კომპანია "თბილლაინს" შორის მოლაპარაკება, უშედეგოდ დასრულდა. როგორც შეხვედრის შემდეგ ჟურნალისტებთან მძღოლებმა განაცხადეს ისინი ხვალ, მერიის წარმომადგენლებს შეხვდებიან.
,,ხვალ მერიასთან 10:30 საათზე გრანდიოზული მიტინგის გამართვას ვაპირებთ. ყველაფერს კომპანია ვერ წყვეტს, გადაწყვეტილებას იღებს მერია", -განაცხადეს ჟურნალისტებთან, შეხვედრის დასრულების შემდეგ, მძღოლებმა.
შეგახსენებთ, რომ მიკროავტობუსის მძღოლები უკვე რამდენიმე დღეა გაფიცულები არიან. ისინი ინდმეწარმის სტატუსს გაუქმებასა და სამუშაო პირობების გაუმჯობესებას მოითხოვენ.
