ამნისტიის შესახებ საქართველოს კანონის ძალაში შესვლისთანავე სასჯელაღსრულების, პრობაციისა და იურიდიული დახმარების საკითხთა სამინისტრომ მსჯავრდებულთა საქმეები გადააგზავნა სასამართლოებში. საქმეების განხილვის შედეგად მსჯავრდებულები ეტაპობრივად დატოვებენ სასჯელაღსრულების დაწესებულებებს.
2013 წლის 24 იანვარს, ამნისტიის შესახებ საქართველოს კანონის შესაბამისად სასჯელაღსრულების, პრობაციისა და იურიდიული დახმარების საკითხთა სამინისტროს ინფორმაციით პატიმრობისა და თავისუფლების აღკვეთის დაწესებულებებიდან გათავისუფლდა 527 ბრალდებული/მსჯავრდებული.
2013 წლის 24 იანვრის მონაცემებით, ამნისტიის შედეგად საქართველოს ტერიტორიაზე არსებული პატიმრობისა და თავისუფლების აღკვეთის დაწესებულებები დატოვა სულ 2 910-მა ბრალდებულმა/მსჯავრდებულმა, მათ შორის 175-მა პოლიტპატიმარმა, 81-მა მდედრობითი სქესის სრულწლოვანმა (№2 დაწესებულება - 1, №3 დაწესებულება - 3, №5 დაწესებულება - 77) და 3-მა მამრობითი სქესის არასრულწლოვანმა (№17 დაწესებულება) ბრალდებულმა/მსჯავრდებულმა.
ქვემოთ მოცემულია საანგარიშო პერიოდის განმავლობაში, ამნისტიის შედეგად გათავისუფლებულ ბრალდებულთა/მსჯავრდებულთა საერთო რაოდენობის ამსახველი სურათი დაწესებულებებისა და სქესობრივ-ასაკობრივი ჭრილის მიხედვით:
